Twesto.com
رياضة

سياسة

عام

علوم وتكنولوجيا

فن

الرئيسية » فن

معجب يسجد لتامر حسني.. وعالمة دين تطالب بجلده!

القسم: فن. | تاريخ النشر: 7/07/09. | عدد التعليقات: 18.

طالبت عالمات دين بجلد شاب معجب أقدم على السجود للمطرب المصري تامر حسني على خشبة المسرح خلال حفله الأخير في الإسكندرية (شمال مصر).

في المقابل، رفض المطرب المصري القول بأن المعجب سجد له، مشيرًا إلى أن الشاب سجد لله شكرًا؛ بعد أن أنقذه من الموت ضربًا على يد حراسه الشخصيين.

كان الشاب قد حاول اختراق الحاجز الأمني الذي صنعه الحراس الشخصيون لتامر، قبل أن يمسكوا به ويطرحوه أرضًا، وضربه في أنحاء متفرقة بجسده حتى فقد وعيه، لكن تامر حسني تدخل ونجح في إنقاذ الشاب.

وقالت الدكتورة آمنة نصير أستاذة العقيدة بجامعة الأزهر إن ما حدث يمثل كارثة حقيقية، حيث إن السجود لغير الله منهي عنه تمامًا، وما حدث يدل على غياب القدوة؛ حيث اختزلنا كل ما هو عظيم وجميل ونموذج في شخصي الفنان ولاعب الكرة.

وقللت نصير من أمر هذا الشاب الذي وصفته بـ”التافه”، معتبرةً أن ما حدث لا يعد كفرًا، ولا يخرجه من الملة، حيث إنه لم يقصد بذلك التعبد للمطرب، وإنما هو مجرد شاب أهوج لديه فراغ، وتأثر بالصورة التي نشرها الإعلام لهذا المطرب الذي تحتضنه الفتيات.

وطالبت الدكتورة بأن يتم جلد هذا الشاب ووالديه اللذين لم يعلمانه دينه ولم يعرفانه أن السجود لا يكون إلا لله وحده.

مطالبة بالتوبة الفورية

من جانبها طالبت الدكتورة ملكة زرار الأستاذة بجامعة الأزهر الشابَ بالتوبة الفورية إلى الله، وعدم العودة لمثل هذه الأمور، حتى لا يخرج بذلك عن الملة ويكون كافرًا بالله عز وجل.

وانتقدت زرار المطرب تامر حسني؛ بسبب تركه لهذا الشاب ليفعل هذا السلوك الذي وصفته بـ”المشين”، وقالت كان يجب عليه أن يمنعه ولو استلزم الأمر أن يضربه، حتى لا يأثم، كما كان يجب عليه أن يتبرأ مما فعله هذا الشاب أمام الجمهور.

من ناحيةٍ أخرى وصفت الناقدة الفنية ماجدة خير الله الموقف بأنه “تصرف عبيط من شاب تافه ومطرب مغرور”.

وقالت خير الله: لا أعلم إن كان هذا الشاب معجبًا أم أنه مأجور من قبل تامر. وأضافت: من أكثر من ثلاثين عامًا حدث موقف مشابه مع سيدة الغناء العربي أم كلثوم عندما صعد معجب وانحنى ليقبل قدميها، ولاقى هذا المعجب سيلاً من الانتقادات، رغم أنها أم كلثوم صاحبة التاريخ الطويل والمشوار الفني العظيم، ولا أعتقد أن يحدث هذا مع تامر حسني الذي لن يصل لشيءٍ حتى بعد مرور 20 عامًا قادمة.

من جهته، رفض المطرب تامر حسني كل ما قيل مشيرًا إلى أن المعجب لم يكن يسجد له، بل كانت رأسه ناحية الجمهور.

وتابع: أعتقد أنه كان يسجد لله، بعد أن تم إنقاذه من أيدي الحراس، إلى جانب أنني منعته كثيرًا، إلا أنني لم أستطع حتى احتضنته وغنيت له لأرضيه وأثنيه عما كان يفعله.

كان تامر قد أقام يوم الخميس الماضي حفلاً كبيرًا بحديقة أنطونيادس بالإسكندرية وحضره 140 ألف شخص، وشهد الحفل عددًا من المواقف، منها: محاولة شاب تقبيل قدم تامر حسني، وقيام شاب آخر بالسجود له عقب قيامه بتخليصه من قبضة حراسه الشخصيين والذين أشبعوه ضربًا حتى فقد وعيه.

وشهد الحفل تواجدًا أمنيًّا مكثفًا وغير مسبوق.

وقدم تامر خلال الحفل عدة دويتوهات غنائية؛ كان أولها مع الفنان علاء عبد الخالق، ثم آخر مع الثنائي حسام الحسيني وكريم محسن، ثم انتهت بالفنانة الصغيرة منة عرفة والتي غنى لها تامر “انتي اللي عملتي لكل شباب الدنيا قلق”.

وطلب تامر من جمهوره خلال الحفل بأن يستمعوا إلى نصائح الوالدين، وأن يحافظوا عليهما خاصة الأمهات، ووعد شابًا أرسل له “سي دي” يضم مجموعة من الألحان بأنه سيستمع إليها وسوف يتصل به من خلال رقمه المكتوب على “السي دي”.


شارك هذه الصفحة مع اصدقاءك على "فيس بوك"

قد يهمك ايضاً:
  1. حراس تامر حسني يضربون شابا بقسوة حتى فقد وعيه
  2. عمرو مصطفى: تامر حسني دمر الأغنية العربية
  3. تامر حسني يتعاقد مع بيبسي بدلاً من عمرو دياب
  4. هاني شاكر: تامر حسني زي ابني!
  5. شيرين تنتقد تامر حسني

عدد التعليقات: 18 »

  • محمود الشقى كتب:

    طب مهو ممكن يكون الشاب بيسجد لله عزوجل لان احتضن تامر وقابله
    وعلى فكره تامر قبل اى حاجه انسان بجد فى معملته لجمهوره وفى كل حاجه
    محمود الشقى

    تاريخ التعليق: 7 يوليو 2009 الساعة: 1:11 ص.
  • asser كتب:

    lw kan da 7a2ee2y fe3lan fa yb2a ya 7asra 3al geel bgd… w lw kasn bysgod l2y sabab tany yb2a 5alas

    تاريخ التعليق: 7 يوليو 2009 الساعة: 5:02 ص.
  • a7med foda كتب:

    يا جماعة المطرب تامر حسنى هو اللى جاب الشاب دة ودفع لية فلوس علشان يعمل كدة صدقونى تامر حسنى هو اللى ماجر الولد دةعلشان يعمل كدة

    تاريخ التعليق: 7 يوليو 2009 الساعة: 5:17 ص.
  • semsem كتب:

    الاخ الى بيقولك انة سجد سكر لله انة قابل تامر حسنى
    اية ياعم هو تامر دا اية يعنى علشان يسجد شكر لله علشان شافة دا واحد عاصى
    ربنا يرحمنا ع الزمن الى احنا فية كل الناس بتعلى فى التفكير واحنا لللاسف بنوطى لحد ما هنبقى تحت الارض
    ناس ماعندهاش لا فكر ولا وعى ولا اى حاجة

    تاريخ التعليق: 7 يوليو 2009 الساعة: 7:24 م.
  • الملكه كتب:

    ياجماعه الانسان اللى سجد ده كان بيسجد لربنا
    وبعدين يا احمد هو تامر ناقص جمهور عشان يدفع لواحد ويجيبه
    ده كفايه جمورة اللى نفسهم يموتوا نفسهم عشانه
    بس الصراحه تامر شخصية محترمه ومستحيل يرضى بوضع زى ده

    تاريخ التعليق: 7 يوليو 2009 الساعة: 8:16 م.
  • منه الله كتب:

    هطل
    انا بحب تامر حسني
    بس مش لدرجه الهطل اللي بيحصل ده

    تاريخ التعليق: 7 يوليو 2009 الساعة: 11:06 م.
  • منه الله كتب:

    وبعدين انا احترت معاك ياتامر
    ومبقتش فاهماك
    بس ربنا يهديك
    ومتبقاش سبب لفتنه ولد ولا بنت
    والدعوه ديه والله من قلبي

    تاريخ التعليق: 7 يوليو 2009 الساعة: 11:08 م.
  • اكبر محب لتامر كتب:

    احمد يارضا

    تامر مش مأجر حد وبطل توسوس للناس
    وانت عارف قصدى
    وكمان الولد ده سجد لله
    وتقريبا اتجاه سجده الولد ظاهره اوى
    لو عايزين نجيب الكلام بطرق تانية فى الف طريقة ممكن تتعمل انما الكلام الصح
    ان الولد ده كان فعلا بيتمنى انه يصافح تامر
    وبعد ماربنا حققله امنيته سجد لله
    مش اكتر

    تاريخ التعليق: 8 يوليو 2009 الساعة: 3:12 ص.
  • امينة كتب:

    انا لله وانا اليه راجعون علي الشباب المصري بقي معقول هما دول المستقبل !!!
    وبجد انا مش عارفة اللي بيدافع عن تامر والشاب ده جاب الجرأة دي منين؟؟
    انا بصراحة مكسوفة ان انا سايبة اللي ورايا وقاعدة بعلق علي حاجة تافهه ذي دي….
    اللهم لا تحاسبنا ان نسينا او اخطأنا اللهم لا تحملنا مالا طاقة لنا به و اعفو عنا واغفر لنا وارحمنا انت مولانا فأنصرنا علي القوم الكافرين ….

    تاريخ التعليق: 9 يوليو 2009 الساعة: 1:18 م.
  • king كتب:

    اولاً دا اسمه هبل
    ثانياً اذا كان سجد لله فادا مش المكان اللى يسجد فيه
    ثالثاً بقا والاهم ان تامر عاوز ينافس عمرو ودا مستحيل
    يا تامر شوف حد قدك ونفسه
    ال ينافس عمرو ال

    تاريخ التعليق: 10 يوليو 2009 الساعة: 4:23 م.
  • Amr كتب:

    this is stupid
    and if this guy see elshaarawy he will not go for shake his hand
    so i guess this guy is crazy
    and tamer is just so simble person is not the 1 you will put your head on the floor for him
    thats all

    تاريخ التعليق: 12 يوليو 2009 الساعة: 2:55 ص.
  • رشا كتب:

    بجد اللي بيحصل دا حرم

    تاريخ التعليق: 14 يوليو 2009 الساعة: 3:15 ص.
  • واحد من الناس كتب:

    ياجماعه ليه بتحوروا على نفسكم وبتعيشوا في قصص وهميه
    ده ماسك بطنه وبيتالم من الضرب سجود ايه بس………ربنا يهديكم

    تاريخ التعليق: 16 يوليو 2009 الساعة: 7:24 ص.
  • فؤش كتب:

    انا عندي لقائبن منفصلين علي قناتين فضائيتين لبرنامجين مختلفين ومقدمين برامج مختلفين والضيف تامر حسني …….كل دا عادي …..اتصال تليفوني ..عادي بنت معجبه عادي ……تتصل في البرنامجين عادي ……..اسمها ساره دا الي مش عادي….. نفس الكلام الي قالته هنا قالته هنا بحبك ….اتجوزك…. اموت فيك …..صورك موجوده في كل حته …..خناقه مع ماما بسببك يا تامر ……

    دا انسان مريض عنده نقص

    تاريخ التعليق: 26 يوليو 2009 الساعة: 1:33 م.
  • islam كتب:

    حتى يعنى لو ما سجدش وده الأكيد انا بتوقع كده لان لو كان سجد لتامر ولا لغيره كان اتسخط فى ساعتها القصة مش فى كده
    الموضوع هو ان الناس فعلا ناسية هى مخلوقة ليه اصلا
    احنا مخلوقين علشان اول حاجة نعبد ربنا وده السبب الرئيسى فى خلق الله لعباده
    وعلى فكرة احب بس احذر الناس من حاجة ان ممكن الواحد يشرك من غير ما يأخد باله ومن غير ما يكون قاصد لما ناس تقول لتامر انا عايشة بس علشانك وعلشان اسمع الأغانى بتاعتك
    وواحدة تانية تعيط بالدموع وتنهار ويغم عليها لما تامر يتكلم على المسرح
    اتقوا الله
    يا ايها الذين آمنوا اتقوا ربكم الذى خلقكم
    ان الله بما تعملون بصير
    وسبحان الله بجد على اللى احنا بقينا فيه
    ارحمنا برحمتك يارب وثبتنا على صراطك المستقيم واحفظنا من الفتن يا ارحم الرحمين

    تاريخ التعليق: 2 أغسطس 2009 الساعة: 1:20 م.
  • ami كتب:

    ami
    لا حول ولا قوه الا بالله
    بجد موقف محزن جدا مين تامر ومين عمرو اللى ممكن الانسان يضيع وقته فى التفكير فيهم
    او يغضب ربه فى السجود ليهم
    بجد مبقتش عارفه احنا ليه غاب تفكيرنا فى اقتدئنا بالرسول والصحابه ابو بكر وعمر وعثمان وعلى على الاقل دول قدوه لو تقلدنا بها اصبحنا خير امه اخرجت للعالمين
    وبعدين تامر او غيره مش هو اللى حرر القدس ولا اللى استشهد فى سبيل الله عشان نموت عشانه ونبكى ونحزن
    لو حزنا او بكينا او حتى موتنا فده يكون فى سبيل الله وبس وكمان على امه الاسلام والعروبه اللى افتقدنها
    (اللهم ارفع مقتك وغضبك عنا ) اللهم امين

    تاريخ التعليق: 12 أغسطس 2009 الساعة: 10:52 ص.
  • rabea كتب:

    من احب قوما حشر معهم

    تاريخ التعليق: 11 أكتوبر 2009 الساعة: 4:19 ص.
  • rabea كتب:

    فعلا مش ده المكان اللى يسجد فيه لله عز وجل لازم نوقر السجود لله عز وجل ويكون في المكان المناسب

    تاريخ التعليق: 11 أكتوبر 2009 الساعة: 4:23 ص.

شارك بتعليقاتك!

............